中華藝術網 日期:2016/04/04   編輯部 報導

郭富城《踏血尋梅》摘男主角

「第35屆香港電影金像獎」入圍「最佳男主角」的包括劉德華《失孤》、張家輝《陀地驅魔人》、張家輝《智取威虎山》、張學友《暗色天堂》及郭富城《踏血尋梅》。

郭富城今晚憑《踏血尋梅》首次奪得「Apple 」，仲話要多謝對佢衰嘅人，因為人哋對佢衰，佢就更要做得好。城城上台前全場熱烈歡呼，佢先同團隊抱抱，佢上到台表示:「心情呀...好開心，多謝嘉玲，多謝大會，其實要多謝我嘅對手，每一個都好出色，我冇準備…有啲意外，因為今次第5次提名，我諗緊其實係咪應該再努力，我係放低咗獎項呢樣嘢，係真嘅，估唔到今日頒個咁重要嘅獎俾我，多謝你哋，其實出道比較遲，我亦都唔知自己有冇天份演戲，但可能係上天一直安排比機會我，每一個機會我都好好把握，冇怨個天，只係做好自己，曾幾何時諗過，我希望40歲時拎到金像影帝，但好多嘢要經驗，我唔可以話自己演技有幾登峰造極，我想做係優秀嘅演員，唔可以丟香港人假，郭富城係嚟自香港，thankyou。」

城城續說:「但係呢…因為我冇準備，一定要多謝經理人小美，因為我選擇演員呢條路係有多問題存在，你令我有好多機會去爭取最好嘅電影，我希望繼續拍好多電影，多謝導演(同翁子光互相飛吻)，同埋所有團隊，攝影師Chris，thank you so much，仲有就係我媽媽，仲有電影圈對我衰嘅，因為你哋對我衰，所以我要自強，再一次多謝合作過嘅對手，好多時，演員唔係一個人做，我喺所有演員身上面，華仔，家輝，喺你哋身上知道乜嘢係優秀演員，多謝你哋。」Apple News hk