《十年》奪最佳電影

分類:電影

中華藝術網 日期:2016/04/04   編輯部 報導

電影《十年》，預視香港灰爆未來，更得到黨報《環球時報》加持，指電影「完全荒誕」、「帶給香港社會的害處很可能大過好處」，之後更傳出因為電影涉及政治敏感話題，不滿《十年》入圍「第35屆香港電影金像獎」中「最佳電影」等大獎，內地媒體將禁播今晚嘅金像獎。

不過，在政治風波中，今晚《十年》「爆冷」奪得「第35屆香港電影金像獎」「最佳電影」，打低其餘四部電影《五個小孩的校長》、《智取威虎山》、《葉問3》及《踏血尋梅》。團隊上台表示：「多謝金像獎夠膽頒呢個獎俾我哋。」

是的，金像獎協會主席爾冬陞已表明若以專業角度而言，《十年》奪得最佳電影機會微，就算奪獎，「都係因為社會氣氛。」《十年》其中一個單元——《本地蛋》導演伍嘉良也說:「其實無論藝術上抑或技術上，的確係有不足嘅。不過我哋都被提名，亦都唔係我自己去揀嘅。」又稱:「我相信機制係公平嘅，評審亦有佢哋專業嘅判斷，有自由投票，亦好信任佢哋，最緊要係有『選人』同埋『被選』嘅權利。」

因為有這個機制，因為有「選人」同埋「被選」嘅權利，造就《十年》在只有一個提名下，一舉摘下「最佳影片」。此獎項正是由爾冬陞頒發。他甫上台即說:「實在係搵唔到頒獎嘉賓，去頒呢個獎。咁你哋明0架喇？係嘛？我諗住無謂難為你哋，邊個都唔好，萬一揭開，係嗰部片嘅名，我驚你哋『十十十十…年』都未講到。我就叫青雲頒，我話你係司儀，你中性0架，冇問題0架。」青雲即說:「我係話冇問題0架，我咩中性，我男性嚟架!咁你都睇唔出？」全場大笑。爾冬陞再謂:「冇問題架，你哋邊個想上嚟頒？共襄善舉，冇問題0架。冇呀？咁睇提名名單先啦。」

睇完名單，爾冬陞稱早於三個月前已開始定頒獎嘉賓名單，但上月發生了「一些事」，爾冬陞說:「你明0架喇？」

爾冬陞續道:「我覺得，都幾複雜，希望明年唔會再發生。」說的是大陸全面禁直播金像獎一事。